Şiir (İngilizceden çeviri),Elizabet Bişab,_,Valt Vitmen,

اليزابت‌ بيشاپ‌


چئويرمن‌‌: نيگين‌ نواده‌رضي ‌

çeviri ingilizcedendir

دوغوم‌ ايل‌: 1911 آمريكا، ماسا چوست‌ ايالتي‌.
أولوم‌ ايل‌: 1979. اليزابت‌ بيشاپ‌ گئج‌ گئج‌ يازيب‌ قناعت‌ جبل‌ نشر ائده‌ردي‌، اونون‌ أونملي‌ كيتابي‌ "سؤيلرين‌ سؤيو" آدلي‌ كيتاب‌دير، بو كيتاب‌ اونون‌ چاغداش‌ادبياتدا تمل‌ گوج‌ كيمي‌ تانينماغيندا ائتكي‌لر بوراخميشدير. او بؤيوك‌ باجاريق‌ و اينجه‌ليك‌له‌ فيزيك‌سل‌ ائوره‌نين‌ اوندا (شاعيرده‌) بوراخديقي‌ ائتكي‌لريني‌شعرينده‌ فوكوسا آلميشدير.(1)اونون‌ توپلاشميش‌ اولان‌ سوي‌لرينين‌ چيپلاغي‌ يوزه‌ چاتيرسادا، (آنجاِق) اونون‌ تكنيك‌سل‌ پارلاييشي‌ (باجاريغي‌) هابئله‌اثرلري‌نين‌ فورم‌ باخيميندان‌ موزاييك‌(2)اولدوغو رئالدا حيرت‌لنديريجي‌دير.
بير هنر: 
چيخارلي‌ اولانا اودوزماِق آغير دئييل‌
اشيانين‌ گيزلي‌ده‌ قالماِق ماراِقلاري‌
و چيخارلي‌نين‌ ايتيرديگي‌ ايتيك‌
اونلار ايچين‌ فلاكت‌ دئييل‌
هر گون‌ بير شيي‌ين‌ ايتمه‌سي‌
و ايتميش‌ قاپي‌نين‌
آچارلاري‌
قايغي‌لار گؤزونده‌ دولانيردي‌
گؤم‌ ـ گؤي‌ ساآت‌لار گئچيردي‌
و چيخارلي‌ اولانا اودوزماِق آغير دئييل‌
سونرایسادا
داها اوزاِق
داها پوزغون‌
ايتيرمك‌لره‌ آليشماِق:
آدلارين‌ ايتيرمه‌سي‌
مكان‌لار ايتيرمه‌سي‌
و هر هارا مقصدلي‌ اولدوغونوز
بونلار فلاكت‌ گتيره‌ن‌ دئييل‌
من‌
آنامين‌ ساآتيني‌ ايتيرديم‌...
باخين‌ سون‌ زامانلاريما
اوچ‌ سئوگيلي‌ ائوي‌ ترك‌ ائده‌ن‌ زامانلاريما
ظن‌ايزجه‌ ايتيرديگيم‌ نه‌ اولار؟
چيخارلي‌ اولانا اودوزماِق آغير دئييل‌
من‌ ايكي‌ شه‌هه‌ر ايتيرديم‌
ايستكلي‌ و نهنگ‌، شه‌هه‌رلر
بير قارره‌ بير جوِت ايرماِق اله‌ گتيرديم‌
اونلاري‌دا ايتيرديم‌
بويسادا آمما فلاكت‌ دئييل‌
من‌
سيزي‌ ايتيره‌رسم‌ده‌ حاتتا
(ظارافات‌ يانا بير سس‌
سئوديگيم‌ ژست‌له‌)
يالان‌
ساتماياجاغام‌
بو بير نيشانه‌دير
چيخارلي‌ اولانا اودوزماِق آغير دئييل‌
بو حاتتا فلاكته‌
(بونو ياز!) فلاكته‌
بنزه‌رلي‌ اولسادا.

بنزين‌ دوراغي‌: 

اوه‌، بو چيركلي‌دير!
بو كيچيك‌ بنزين‌ دوراغي‌
قيزغين‌
اوست‌ ـ اوسته‌
آيدين‌ليغا دوغرو.
آييق‌ داوران‌ او شعله‌دن‌!
آتا چيرك‌لي‌ پالتار گئيينيب‌
قوللاري‌ آلتيندان‌ كئچن‌
ياغ‌ ايسلاتميش‌ بير أونلوك‌؛
و نئچه‌ سيرتيق‌
جه‌لد و ياغلي‌ اوغلان‌لار
اونو يارديم‌ ائدير
(بو بنزين‌ دوراغي‌ آيله‌وي‌دير)
هامي‌لاري‌ بو سبوتون‌ چيرك‌لي‌.
(گؤره‌سن‌ بونلارين‌ ائوي‌
ائله‌ بورادير؟)
ناسوسون‌ آرخاسيندا أورتولو ايوان‌
يئرينده‌سه‌ ازيلميش‌
ياغا بولاشميش‌
بوريا
كاناپه‌ اوزه‌رينده‌
اولونجا گولونج‌لو
چيرك‌لي‌ بير ايت‌
نئچه‌ كميك‌ كيتابلار،
بير ايلكه‌ بويانين‌ أوزه‌ل‌ بوياسيني‌
حاضيرلاميش‌
بونلار كيچيك‌ بير ماسا اوزه‌رينه‌ سريلميش‌
يئكه‌ بير تاباِق آلتي‌ اوزره‌
(بير توپلومدان‌ بير حيسسه‌)
بونلارا ياناشي‌ يئكه‌ بير "بئگوني‌يا"(3)
پئير- پئيز
بورادا نه‌دن‌ ياد بير گؤيه‌ره‌نتي‌؟
كيچيك‌ ماسا نه‌دن‌؟
نه‌دن‌، اوه‌ نه‌دن‌
تاباِق آلتي‌؟!!
چيچگ‌ تيكيلميش‌،
"مينا" چيچگي‌
"مارگاريت‌" چيچگي‌،
چيچك‌ تيكيشلي‌ بير تاباِق آلتي‌
كدرلنيرم‌ كولو رنگلي‌(4)ناخيش‌لاري‌ايلا
بيريسي‌ چيچك‌ تيكميش‌دير تاباِق آلتي‌يا
بيريسي‌ چيچك‌لري‌ سووارير
اولسون‌دا ياغلايير!
بيريسي‌ده‌ چه‌للك‌ سيرالاريني‌ سهمانلايير
بونون‌ ايچين‌ ديركي‌ اونلار راحاتجا:
بؤيله‌
بؤيله‌
پس‌ بؤيله‌..."
دئيه‌ بيليرلر
قيزغين‌ اتوموبيل‌لره‌ ياناشي‌
بيريسي‌
هامي‌ميزي‌ سئوير
اتك‌ يازي‌لاري‌: 
1) ديققت‌ مركزينه‌ آلميشدير 2) بورادا "چئشيدلي‌" آنلاميندادير. 3) بير چئشيد گؤيه‌ره‌نتي‌ 4) فارسجا: خاكستري‌ رنگ‌




والت ويتمن

چئويرمن:نيگين نواده رضي

çevri ingilizcedendir

1819نجى ايل، ماى آى‏نين 13نده دوغولان "والت ويتمن" (Walt whitman)دووارچى(1)"والتر ويتمن"ين هابئله "لوئيزاوان وئلسور"ون (Louisa van velsor)ايكينجى اوغلوايدى. دوققوز اوشاقدان عيبارت اولان آييله‏سى 1820 دن 1830 قده‏ر "بروكلين" (Brooklyn)هابئله "لانگ ايسلند"(2)ده )"اوزون آدا"دا( ياشادى.
21 ياشلاريندا "ويتمن" رسامچى‏ليق صنعتيندن ماددى يؤندن كئچينمه‏يى اؤيرنمه‏يه باشلادى، سونرا يازى يازماق دونياسينا وورولدو. اوزون سوره، اؤز - اؤزونه اوخوماغا وورولوب، اوندان ايسه دويماق بيلمه‏ين "ويتمن"، "هومر"، "دانته"، "شكسپير" هابئله "بيئبل" يا پيت(3)لارينا تانيش اولدو - اوخودو.
"نيويورك سيتى"ده (NEWYORK City)آتيله‏ده‏كى صنعت اثرلرى‏نين يانغين(4)ا اوغراشديغى(5)ساريندان، بو ايشى ترك ائتدى. 71ياشلى "ويتمن" بير اؤيره‏تمن(6)اولاراق، ياشامينا، بير، بير اودالى ائوده، "اوزون آدا" اوخول(7)لاريندا باشلادى.
1481نجى ايل اولوب "ويتمن" ايسه ژورناليسمه اوز گتيريب، بو ايشى بوتون واخت بير ايش بيله‏نه قدر، اؤيرتيم(8)ايشينه داوام وئردى، سونرا "اوزون آدالى‏لار" آدلى بير هفته‏ليكده آردى‏جا "بروكلين" و "نيويورك" گونده‏ليك‏لرى‏نين بير چوخوسوندا ائديتور(9)ايشله‏دى.
8481ده او "قارتال گونده‏ليگى‏نى"، "نيو اورلئان هلالى"ندا بير ائديتور اولسون دئيه، ترك ائتدى. "نيو اورلئان"ين كؤله ساتما(10)بازارلاريندا "ويتمن" كؤله‏ليك‏چى‏ليگين(11)آجى‏ماسيزليغى(12)ايله آراجى‏سيز تانيش اولدو. 8481نجى ايلين سونوندا، او، "بروكلين"-ه گئرى دوندو، سونرا "سربست وطن" هابئله "ايفتيخارلانميش شهرلى"(13) گونده‏ليك‏لرى‏نين تمل داشينى قويدو(14). سونرا ايسه سؤى(15)اوزره اؤز تاى‏سيز استيلينه(16)و اونون گليشديرمه‏يينه(17)داوام وئردى؛ "رالف والدو امرسون"ون (Ralph Waldo Emerson)استون قابيلييتينه حيرتلنه - حيرتلنه، 5581ده "اوتلاق يارپاقلارى" آدلى اثرلرينى‏ين ايلكين ياييمى‏نين يازماق حاققينى الده ائده بيلدى(18)، بو كيتاب بير اؤن سؤز(19)و اون ايكى باشليق‏سيز(20)شعردن عيبارت‏ايدى. او، اؤز كيتابينى ياييم‏لاديب و 5581ين ايول (July)آييندا او كيتابدان بير نوسخه "امرسون"ا گؤنده‏ردى.
6581دا، "ويتمن" 33 شعرينى هابئله "امرسون"ون "ويتمن"ين بيرينجى كيتابينا يازديقى آلقيش مكتوبونو هابئله "امرسون" مكتوبونا يانيب(21)اولاراق "ويتمن"ين اوزون و باشى آچيق مكتوبونو(22)احتوا ائتميش، ايكينجى كيتابينى ياييم‏لادا بيلدى او سونراكى ايشينه گئده‏نه‏دك، بو كيتابينى كره‏لر(23)ائديت ائتدى.
)آمئريكا( ايچ سل ساواش(24)ى باشلاركن "ويتمن" اؤزايله صاف و خاليص ياشاماغى شرطلشدى، سونرا سربست ژورناليست كيمى ايشله‏دى و بئله‏ليك‏له "نيويورك" "رئژيونون"(25)خسته‏خانالارينداكى ساواش يارالى‏لاريندان گؤروش ائله‏دى.
سونرا "واشنگتن" (Washington) شهرينه دؤندو و بير خسته خانادا ايشه باشلادى، داها سونرا بير "آپارتمان"ين ايچ‏سل ايش‏لرينين مأمور(26)لوغوندا ايشله‏دى، بو ايش ايسه عين(27)"آپارتمان"ين مودورو "جيمز هارلان" (James Harlan)"ويتمن"ين "اوتلاق يارپاق‏لارى" آدلى كيتابين يازارى اولدوغونو بيلن گونه قدر داوام ائله‏دى )"هارلان" او كيتابى آلچاق دؤشورولو(28)سانيردى( "هارلان" "ويتمن"ى ايشدن عزل ائتدى. "ويتمن" "واشنگتن" شهرينده مأمورلوق گليريندن هابئله كيتابلارى‏نين تأليف حاققيندان ياشاماغينا داوام وئردى، سونرا بئيين كيسن تى‏لى‏يى(29) نه دنينه(30)"واشنگتن"ا دؤنمك اونا اولماز اولدو(31). گاهدان آمئريكا و اينگلتره يازارلارى‏نين توپلاشديريب اونا گونده‏رديك‏لرى پول‏لاردان كئچينه‏جك ائتدى. 0781ده "كامدن"ده (Camden) ساكين اولدو، سونرا "اوتلاغين يارپاقلارى" كيتابى‏نين ياييم‏لاماسى ساريندان الينه كئچن يئته‏نه‏كلى(32)پولون يارديمى ايله "كامدان"ده بير ائو آلا بيلدى. "ويتمن" 1981نجى ايلده اؤز ياشامى‏نين سون ايل‏لرينى او ايكى كاتلى(33)تاختا دؤشه‏نميش ائوده، اؤز سونونجو شعر و يازى(34)دان عيبارت اولموش "اسن قالين ايسته‏ك‏لريم"(35)آدلى كيتابى‏نين يئنى‏لتمه، آرتيرما و دوزه‏لتمه ايش‏لرينه، حصر ائتدى.
"ويتمن" نهايت، 2981نجى ايلين مارت آى‏نين 62سيندا "هارلى كئمئترى" (Harleigh Cemetery)مكانيندا، اؤزونون توسطوايله پلانلاشيلميش(36)هابئله چوخ حيسسه‏سى اوزه‏رينده الى‏ايله ايشله‏ميش اولان تاپينجا(37)دا باستيريلدى.

"ويتمن"ين شعير كيتابلارى:
1) "اوتلاغين يارپاقلارى 5581
)يئددى كره ائديت: (1981 - 18 - 67 - 07 - 76 - 06 - 6581
2) "طبيلين پسدن سسى" 1865 )Drum Taps)
3) "طبيلين پسدن سسى" )آردى( (Sequel to Drum Taps( 5681
4) اسن قالين ايستك‏لريك (Good - Bye, My Fancy( 1981
"ويتمن"ين "يازى" كيتابلارى:
1) فرانكلين ايوانز يا دائم سرخوش Franklin Evans, or the Inebriate )2481)
2) دئمكراتيانين پئرسپئكتيولرى Democratic Vistas )1781)
3) ساواش چاغلاريندا، مئموراندو memoranda during the war )5781)
4) اؤزل گون‏لر و دوعا specimen days and collect )1881)
5) نوامبرين آنا بو داغ‏لارى November boughs )8881)
6) يازى اثرلرينين توپلوسو Complete prose works )2981)

گونئى(38)گئجه ياريسى!

بو زامان سنين اؤزلوگونون صيفير واقتى‏دير
سنين قودورغان(39)تنهاليغينا تونله‏نديگين(40)واقتى‏دير،
اينجه ليك‏دن اوزاق
كيتاب‏لاردان اوزاق
اوخونولموش بير اوخو(41)
پوچا چيخميش بير گون...
سن بوسبوتون تاپيلاركن
حيرتله باخاركن
و سوساركن(42)
چوخ سئوديگين قونويا(43)دالاركن(44):
گئجه، اويغو(45)
اؤلوم و اولدوزلار...

گاهدان سئوديجى‏ييم(46)بيرى‏سيله:

بير سيرا گون‏لر وار
گئرى دؤنمه‏يه‏جك...
دولدورورام اؤزومو چالخالانميش قورخوايلا
سئوگى‏نين آشيرى(47)قورخوسوندان
و سئوديجى‏ييم بيرى‏سيندن
جزا يولو، يالنيز قالان يولدا
جزا يولوندا تاپيليرام
گئرى دؤنه‏جك سئوگى يوخدور
بونو
آنيرام(48)
آرخايين بيريسينى سئوه‏ركن
سئوگيم گئرى دؤنمه‏دى!
و بونلاردان سوواى
بو ماهنى‏لارى يازاسى‏يام(49)
ايشته(50)

سس‏سيز، دؤزوملو هؤرومجك(51):

بير سس‏سيز
دؤزوملو هؤرومجك
يالنيز كيچيك بير ديكليكده دورموشدو
گؤز قويدوم اونا...
او تئل، تئل، تئل
ديشارى(52)يا تونله‏نير،
اؤزوندن اوزاغا
هر زامان تورونو آچاندا
سورعتلى
و يورولمادان
و سن
اى منيم هر نه‏ئيم
دئييم
هارداسان:
دويغوسوزلوغا سينيرلانميش(53)
دالغين
و ده‏لى قانلى
باشقا دونيالارى آراييب(54)
اونلارا قوووشقان...
گؤزله‏ديگين كورپو وار اولونجا
اويسال(55)داياناجاغا چاتينجا
و هؤرومجك تورونو توتونجا.
آه اى منيم
هر نه‏ئيم.
اتك يازى‏لارى:
(1) فارسجا: بنّا (2) Long Island فارسجا: جزيره دراز (3) فارسجا: اثر (4) فارسجا: آتش‏سوزى (5) اوغراشماق، فارسجا: دچار شدن (6) فارسجا: معلم (7) فارسجا: مدرسه (8) فارسجا: آموزش (9) فارسجا: ويراستار (10) فارسجا: برده‏فروشى (11) فارسجا: برده‏دارى (12) آجى ماسيزليق، فارسجا: قساوت، خشونت (13) فارسجا: شهروند افتخارى (14) فارسجا: تأسيس كرد (15) فارسجا: شعر (16) فارسجا: سبك كارش (17) فارسجا: پيشرفت آن (18) فارسجا: بدست آورد (19) فارسجا: مقدمه (20) فارسجا: بدون عنوان (21) فارسجا: جاواب (22) نامه سرگشاده (23) فارسجا: دفعه (24) فارسجا: جنگ داخلى (25) فارسجا: ناحيه، منطقه (26) فارسجا: كارمند (27) فارسجا: همان (28) فارسجا: اهانت‏آميز )آلچاق دؤشورولو" بيزيم اؤنريميزدير( (29) فارسجا: سكته مغزى (30) فارسجا: به علت ِ (31) فارسجا: غيرممكن شد (32) فارسجا: به قدر كفايت (33) فارسجا: دو طبقه (34) نثر (35) فارسجا: بدرود دلبستگيهاى من )آرزوهاى من( (36) فارسجا: طراحى شده (37) فارسجا: آرامگاه (38) فارسجا: آفتابگير (39) فارسجا: هار (40) تول‏لانديقين (41) درس (42) سوسماق، فارسجا: ساكت شدن (43) موضوع (44) دالماق، فارسجا: فرو رفتن، مستغرق شدن (45) فارسجا: خواب (46) سئوديگيم (47) فارسجا: افراطى (48) باشا دوشوره‏م (49) يازمالى‏يام (50) ايشته: بويورون، بودور، ايندى و...، بو كلمه‏دن نئچه معنالى اولدوغونا گؤره فايدالانديق (51) عنكبوت (52) فارسجا: بيرون، خارج )بو كلمه‏دن شعرين هاواسينا اويغون اولدوغونا گؤره قول‏لانيلميشدير(. (53) فارسجا: احاطه شده، محاصره شده (54) آراماق، فارسجا: جستجو كردن (55) فارسجا: نرم‏خو، منعطف
پورترئت: اويماايشى )گراور سازليق( 4581"ساموئل هولليئر" "Samuel Hollyer"