Notlar

Notlar"اولدوز"لا "ياشار"ين ائوينى قوروياق...
بير ساباح عادت اوزره قزئته صحيفه‏سى اوستونده سحر يئمه‏گى يئييرديك، بيرده، گؤزوموز قزئته‏ده‏كى درج اولونان خبره زيللندى: "محمدعلى سپانلو": - خوشحالم خانه خاطرات شاعر تهران حفظ مى‏شود...(1)درج اولونموش مقاله‏ده سپانلونون ائوى كولتوره‏ل ايداره‏سى طرفيندن، ميللى قاليق‏لار سياهى‏سيندا(2)يئرلشديريلميشدير. بونونلا ياناشى "على شريعتى"، "سيمين دانشور"ين ائوى و بير چوخ فارس يازيچى و صنعت‏چى‏لرين ائولرى‏نين ميللى قاليق‏لاردان تانينديغى‏دا يادداشيميزدا(3)جانلاندى، در حال "صمد بهرنگى"، "بولود قاراچورلو"، "غلامحسين ساعدى" كيمى تورك يازيچى، صنعت‏چى و موباريزلرين چوخوسونون آدلارى يادداشيميزدا ايشيغلاندى.
بيز آذربايجان‏لى‏لار دائمن فيكيريميزده بونلار ايچين ائو تيكيريك، اوراداسا اونلارى ياشاديريق و هر زامان بو فيكيرى رئال‏لاشديرماغا دوغرو چاليشيريق..
نيگين نواده‏رضى - نادير ازهرى
1) آفتاب يزد، پنجشنبه 7 اسفند 1382، سون صحيفه
2) فارسجا: فهرست
3) فارسجا: حافظه